Kommunedirektør
Sykkylven ligg sentralt i hjartet av Sunnmørsalpane og har ca. 7 700 innbyggjarar. Sykkylven har eit godt utbygd barnehage- og utdanningstilbod med vidaregåande skule, eit breitt og aktivt idretts- og kulturliv og eit framgangsrikt næringsliv. Bygda og kommuneorganisasjonen set fokus på å vere opne, innovative og venlege i all framferd og planlegging, med ei solid forankring i bygda si rike historie og gode tradisjonar. Skaparglede er bygda sin visjon. Besøk vår heimeside: www.sykkylven.kommune.no
Vil du vere med og utvikle eit framtidsretta lokalsamfunn?
Vi søkjer ein samlande og løysningsorientert toppleiar som kan kombinere eit tydeleg og strategisk leiarskap med handlekraft og evne til å prioritere og gjennomføre vedtak. Du evner å byggja tillit, viser god rolleforståing og trivst i skjeringspunktet mellom politikk og administrasjon. Du har relevant leiarerfaring, god innsikt i kommunal forvaltning og økonomi, og er oppteken av kommunen si rolle som samfunnsutviklar.
Sentrale arbeidsoppgåver for kommunedirektør vil vere:
- oppteken av kommunen si rolle som samfunnsutviklar både lokalt og regionalt
- tilretteleggjar for god og effektiv tenesteproduksjon i nært samarbeid med politisk leiing
- økonomisk styring og effektiv drift som sikrar driftsbalanse og eit økonomisk handlingsrom
- etablere gode relasjonar med administrasjon, politikarar, innbyggjarar samt organisasjons- og næringsliv i kommunen og regionen
- sikre at kommunen til ei kvar tid har riktig organisering og fagleg kompetanse i organisasjonen som er tilpassa arbeidsoppgåvene
- ha fokus på målstyring og resultatoppfølging og gjennomfører gode planprosessar med fokus på heilskapleg styring og forpliktande resultatdialog
- vere bindeleddet mellom det politiske og administrative system og ein god støttespelar som har mot til å delegere og gi medarbeidarane rom til å handle
- ein god representant for kommunen på ulike samarbeidsarenaer
Vi søkjer etter deg som:
- har høgare utdanning, relevant leiarerfaring og god økonomiforståing
- har erfaring frå endrings- og utviklingsarbeid og digitalisering som fagområde
- viser god forståing for rolledeling mellom administrativ og politisk styring og har god innsikt i kommunal forvaltning
- har god prosesskompetanse og er kjent for å vere ein lyttande lagspelar
- har ein motiverande og tydeleg leiarstil
- er handlings- og utviklingsorientert
- har erfaring frå representasjon og eksponering i media
Det vert lagt stor vekt på personlege eigenskapar ved tilsetting.
Vi tilbyr ei utfordrande og spennande leiarstilling, der du saman med dyktige medarbeidarar vil få ei sentral rolle i kommunen si vidare utvikling. Lønn etter avtale.
I samsvar med offentleglova § 25 gjer vi merksam på at opplysningar om søkjarane kan offentleggjerast sjølv om det er bede om konfidensiell behandling. Søkjarane vert i tilfelle varsla på førehand om dette.
For nærmare informasjon, kontakt gjerne vår rådgjevar i Headvisor, Kirsti Kalseth Sjøhaug, tlf. 977 31 680 eller ordførar i Sykkylven kommune, Odd Jostein Drotningshaug, tlf. 932 55 516. Ny søknadsfrist er 15. april 2020, men vi ønskjer gjerne at du viser interesse i god tid før fristens utløp.
Les mer
By/sted
- Sykkylven
Fagområde
Søknadsfrist
2020-04-15