Kommunedirektør

Ynskjer du å vidareføre den gode drifta av Etne kommune? 

Etne kommune har ca 4 100 innbyggjarar, med gode levekår for både unge og eldre og full barnehagedekning. Kommunen har arbeidsplassar innanfor landbruk, mekanisk industri, varehandel, service og ulike tenesteytande næringar. Kulturtilbodet er godt og variert, med flotte tilhøve for sport og friluftsliv. Verdiane til Etne kommune er trygg, raus og engasjert! Tenestemålet er nynorsk.

Etne kommune er ein veldriven kommune, ein god stad å arbeide, bu og leve i. Etne er blant dei største landbrukskommunane i Vestland, og kommunen er ein del av Haugalandsrådet og Sunnhordlandsrådet. Me er opptekne av å gjere kommunen endå meir attraktiv for unge i etableringsfasen, og leggje til rette for eit framleis differensiert, berekraftig og nyskapande næringsliv. Dei siste åra har det blitt utført ei rekkje strukturelle grep, og me har funne ei drift som fungerer godt for både innbyggjar og arbeidar. No ynskjer me oss ein kommunedirektør som kan vidareføre denne drifta.


Me ser etter ein erfaren leiar som kan leie kommunen vidare gjennom tydeleg samfunnsutvikling, god økonomistyring og effektiv samhandling. Stillinga inneber at du må kunne leie eit breitt spekter av oppgåver, kor evne til å samarbeide på tvers av tenesteområde vil være sentralt. Den rette kandidaten må evna å byggja tillit, vise god rolleforståing og kunne trivast i skjeringspunktet mellom politikk og administrasjon.
 

Arbeidsoppgåver  

• Vera ein pådrivar og tilretteleggjar for lokal samfunnsutvikling med gode tenester til innbyggjarane 
• Styrka omdømmet vårt som ein attraktiv kommune for næringsutvikling, busetting, oppvekst og turisme 
• Engasjert og proaktiv i samspelet med næringsaktørar, innbyggjarane og andre samarbeidspartnarar 
• Vere ein synleg og samlande leiar i organisasjonen 
• Styra økonomi og drift på ein effektiv måte, som sikrar driftsbalanse og økonomisk handlingsrom 
• Utarbeida gode grunnlag for politiske avgjerdsprosessar, setja i verk og følgja opp politiske vedtak 
• Bidra til at me til ei kvar tid har rett organisering og fagleg kompetanse som er tilpassa arbeidsoppgåvene 
• Vere opptatt av å samhandle godt med arbeidstakarorganisasjonane 

Ynskja kvalifikasjonar  

• Leiarerfaring frå større, gjerne komplekse organisasjonar i offentleg eller privat sektor 
• Erfaring frå strategisk leiing kor operative oppgåver også krev fokus 
• Forståing for samfunns- og næringsutvikling og grensesnitta mellom politikk og administrasjon 
• Kjennskap til politiske avgjerdsprosessar, offentleg forvaltning og styring 
• Solid erfaring frå økonomistyring, budsjettering og rapportering frå større organisasjonar 
• Relevant høgare utdanning, men særleg relevant erfaring kan kompensera for utdanningskravet 
• Innsikt i og forståing av samfunnsoppdraget  til kommunen 

  Personlege eigenskapar  

• Engasjert leiar med god evne til å skape og gje tillit, og samle organisasjonen mot felles mål 
• Evne til heilskapleg refleksjon, orientert mot framtida og dyktig til ta å strategiske val ut frå dette 
• God til å støtte og gi rom for utvikling både for den enkelte og organisasjonen som heilheit 
• Systematisk med god evne til å ta rette prioriteringar i høve til tildelte rammer 
• Er opptatt av nye løysingar og god til å leggje til rette for godt samspel mellom ulike aktørar 

Me tilbyr

Som kommunedirektør i Etne kommune vil du ha store påverknadsmoglegheiter, og ei sentral rolle i regionen og lokalsamfunnet. Du vil få ansvar for vidareutvikling av tenestetilbodet til både befolkning og næringsliv.  Etne er ein veldriven kommune som du får være med å drifta vidare saman med eit godt leiarteam. Du får ei utviklande stilling i ein kommune med fornøgde innbyggjarar.


Fram til søknadsfrist vil alle søkjarar bli behandla konfidensielt. Me gjer merksam på at etter at søknadsfristen er ute, vil det bli utarbeidd ei offentleg søkjarliste. Opplysningar om søkjaren kan bli offentleggjort sjølv om søkjaren har bede om ikkje å bli ført opp på søkjarlista. Dersom ynskje om reservasjon ikkje blir tatt omsyn til, vil søkjaren bli varsla om dette før den offentlege søkjarliste blir laga.


Spørsmål om stillinga kan rettast til Lina Tørresdal, tlf. 986 06 892 eller Milly Kallevik, tlf. 481 39 012 i Personalhuset Search & Selection. Du kan også kontakte ordførar Mette Heidi Bergsvåg Ekrheim, tlf. 48 00 65 60 i Etne kommune.

SØK PÅ STILLINGEN